QUANNO ME SBATTE 'O CORE
(Ottavio Buonomo - Maria Aprile)
Stamattina ti ho veduto, stavi all’angolo seduto
cu ‘na giacca tutta rotta e ‘o cazone a mezzabotta.
Sei un adone sei carino, ma però: chi t’ha vestuto?
Seppur tutto scombinato, tu nel cuor mi sei trasuto!
Quanno me sbatte ‘o core me sbatte ‘o core pensanno a te
Je te levasse ‘o cazone e chella cammisa assieme ‘o gilet
Forte me sbatte ‘npietto tutte ‘e sere dint’’o lietto:
e ‘o pensiero mio va a te: stu papillon dammillo a ‘mme!!!
Da n’amica aggio saputo: vivi solo cu mammà
Ma na donna bellu mio primma o poi te l’ja truva’
M’‘o piglio je chistu cazone e te l’aggia sistema’:
cu ‘na botta sotto ‘o fierro, nuovo t’’o faccio turna’!
Quanno me sbatte ‘o core me sbatte ‘o core pensanno a te
Je te levasse ‘o cazone e chella cammisa cu tutto ‘o gilet
Forte me sbatte ‘npietto tutte ‘e sere dint’’o lietto:
e ‘o pensiero sta sempe ‘llà: stu papillon t’aggia scippa’!!!
Mo’ cu ll’amido te ‘ntosto pure ‘o cuollo d’’a cammisa
E si po’ te vene famme, faccio ‘o ‘mpasto a palla ‘e riso
E da quanno stammo ‘nzieme pe’ te stongo ‘a fatica’
A matina ‘o juorno e ‘a sera je te faccio cunzula’!
Comme me sbatte ‘o core me sbatte ‘o core guardanno a te
Mo’ ca te levo ‘o cazone ‘a cammisa e ‘o gilet
Assaje me sbatte ‘npietto quanno stammo dint’’o lietto:
e comme me sbatte a me…
stu core sbatte pure a te!