'O TEATRO
'O vero teatro è 'a vita mia,
evvote se chiagne,
evvote se rire,
e quacche vota me fanno pure n'applauso o 'nu surriso.
'E storie d'ammore...
ate che dramme e cummedia,
trase 'nu poco dint' e suonne mieje,
e aje voglia e appicceche e suspire.
'O riflettore "cchù forte
è 'stu sole giallo e russo,
e 'o sipario "cchiù aligante
è 'na tenda stracciata d'a casa mia!
'O pubblico ...
e che v'aggia dì?
Sò 'e cumpagne mieje,
'a famiglia, 'a "ggente che passa.
'O guadagno 'e 'sta fatica, (*)
ce sta ma nun se vede,
è 'nu "bbene ca nun se conta
sò miliarde, ma nun sò 'e carta.
'Na chitarra dint'o scuro, (**)
'na cammesella fina,
'nu cappelluccio stuorto
"ddoje scarpetelle astrette,
'e capille scuncecate,
'o naso a puparuolo,
e tu vulisse 'a maschera?...
E pecchè chesta ched'è?
(*) : INEDITO - L'originale
era "'O guadagno 'e chesta
vita"
(**) : INEDITO -
L'originale era "'Na
canzone dint'o scuro"