'NA VOTA SULAMENTE
Te sto prianno 'e me guardà,
sto spartenno 'o suonno cu 'e penziere,
sto murenno 'e gelusia...
e 'sta freva me fa mancà 'o sciato.
Guardame 'na vota,
'na vota sulamente,
nun te stò chiedenno 'e me vulè "bbene,
nun m'aspetto 'nu vaso 'e passione.
Te sto vulenno bene assaje,
comme nun t'aggia maje vuluto primma,
me staje cammenanno 'ncuollo
me staje cundannanno 'a na vita 'e delusione.
Te sto pensanno e mme tremmano 'e "mmane,
te sto vedenno dint'o scuro 'e chesta stanza,
te sto piglianno 'pò vraccio
e te sto purtanne a cunoscere 'e suonne mieje.
Te vulesse addimannà si me vuò bene,
te vulasse purtà tanta rose e mimose,
te vulesse allummà comme 'a na Madonna,
vulesse spià tutt'e "nnammurate 'pe capì comme se vò bene .