LA CANZONE DEL 2012
(Ottavio Buonomo - Maria Aprile)
Uà comm'è bello 'stu ritmo frà!
Ma serio!
Mammà m'ha ditto
''Guagliò tu che vuò fà?
'E sorde nun ce stanno
quanno vuò faticà?
Sosete a 'sta seggia".
Siente mammarè,
ma che ce pienze a 'ffà
perchè nel 2012
qualcosa cambierà
verranno i marziani
'ca ce danno a magnà
e nun c'hamma dà cchiù
pizzeche 'ncopp'a panza!
E stamme propete 'nguaiate
senza 'na casa,
nuje stamme chin'e riebbete
e 'o 'ppane nun ce sta!
L'euro c'ha fatto
'cchiù 'e nu buco 'mpietto!
E stamme propeto 'nguaiate,
disoccupati,
nuje stamme chine 'e riebbete
e nun facimme niente!
'A nonna ha ditto
"Guagliò, tu nun fa 'o scemo
tu c'a penziona mia
manco 'a spesa ce può fà
vide 'e faticà!"
Siente nunnarè,
tu nun te preoccupà
perchè nel 2012
qualcosa cambierà...
verranno i marziani
ca ce mettono 'accuncià
'e muture 'e 'navicelle
e fanne campà!
E stamme propete 'nguaiate
senza 'na casa,
nuje stamme chin'e riebbete
e 'o 'ppane nun ce sta!
L'euro c'ha fatto
'cchiù 'e nu buco 'mpietto!
E stamme propeto 'nguaiate,
superscamazzati,
nuje stamme chine 'e riebbete
e nun facimme niente!
Papà m'ha ditto:
"Guagliò tu staje 'nguaiato,
'e sorde pe spusà
và trova chi t'he ddà...
pecchè 'cca nun ce stanne".
Siente oi papà,
tu nun te preoccupà
nel 2012 qualcosa cambierà,
verranno i marziani
e 'o matrimonio se pò 'ffà...
mi sposerò su Marte!
'O ristorante 'o veco 'llà!
E stamme propeto 'nguaiate
senza 'e cumpare,
'e cunfiette c'a mandorla
ce putimme sparagnà,
forse c'a busta
apparammo 'o pranzo!
Facimme 'na figura 'e niente
senza 'e bomboniere...
'o book fotografico
c'ho fà 'o zì Gennaro,
ce tremme 'a mano
però è professionale!
E stamme propete 'nguaiate,
disoccupati
nuje stamme chine 'e riebbete
e nun facimme niente!
Uà guarda là!
'O marziano! 'O marziano!
Scè nun vide 'ca è 'nu palummo?
Ma un marziano arriverà!