'A STORIA MIA
(Ottavio Buonomo)
'A storia mia
nun è 'na storia
pecchè te conto
tutte buscie,
si stongo allere
si stongo triste,
che te ne 'mporta?
Pò moro 'o stesso!
'A storia mia
nun è poesia,
nun parla 'e mare
'e musica, 'e canzone...
io ogge parte
ma dimane torno
e si me perdo
nun me cercà.
'A storia mia
è n'ata storia
chella ch' 'a 'ggente
nun sape ancora,
mille parole
ditte c'o core
e si sto zitto
famme parlà.
'A storia mia
è 'na rivolta,
tengo 'nu core
ma nun è ammore,
ricordo 'nu suonno
ma senza culure
e si m'arrobbano
nun ce penzà.
'A storia mia
ch'a conto 'a 'ffà?
Si saje quaccosa
t'ho 'ppuò scurdà!
Pò ce vedimme
addò se vede chi vede
'ca o munno cagna
e d'a storia se scorda...